Category: Bahan Perpulungen Jabu-Jabu

PJJ Tanggal 12 April – 18 April 2020
Bahan : Kolose 3:1-4.
Tema : Ipekeke Ras Kristus. (Paskah/HUT KAKR 130 Tahun)

Shalom, Perpulungen sinikelengi Tuhan Dibata.
Selamat Paskah.

Sibentasi me Paskah tahun enda alu kebaktian i rumah nari. Bene nge nanamna erpaskah ? Tentuna lit piga-piga hal sila terdalanken kita ibas Paskah tahun enda. Kita la pulung secara runggun erbahan kebaktin Paskah. Tambah me ketedehen ateta reh ku Gereja, radu ras teman perpulungen muji nembah Dibata. Saja ibas situasi enda, makna Paskah e labo bene aminna gia kita mperingetisa ibas jabunta nari. Sebab salah sada makna Paskah berhubungan ras biak kegeluhen kalak si mperingeti Paskah e. Bahan PJJ minggu enda ngerana kerna kecibal dingen biak kalak si tek.

Paulus nehken suratna man perpulungen Kolose erkiteken litna ancamen bengketna pengajaren si papak si reh ku tengah-tengah perpulungen e. Piga-piga pengajaren papak e, misalna ibas Kolose 2 : 8 Hati-hatilah, supaya jangan ada yang menawan kamu dengan filsafatnya yang kosong dan palsu menurut ajaran turun-temurun dan roh-roh dunia, tetapi tidak menurut Kristus; bage ibas pe Kolose 2:16, dikatakan, “Karena itu janganlah kamu biarkan orang menghukum kamu mengenai makanan dan minuman atau mengenai hari raya, bulan baru ataupun hari Sabat. Ibas Kolose 2: 21-22 ikataken, “ jangan jamah ini, jangan kecap itu, jangan sentuh ini, semuanya itu hanya mengenai barang yang binasa oleh pemakaian dan hanya menurut perintah-perintah dan ajaran-ajaran manusia. Inilah beberapa ajaran yang mengancam kepercayaan jemaat Kolose.

Guna menghalangi ajaren papak e, Paulus ngingetken keunggulen Kristus asangken kerina ajaran-ajaren e. Nina ibas Kolose 2: 9-10, “Sebab dalam Dialah berdiam secara jasmaniah seluruh kepenuhan ke-Allahan, dan kamu telah dipenuhi di dalam Dia. Dialah kepala semua pemerintah dan penguasa. Dan dalam Kolose 2: 17, Paulus mengatakan, “ semuanya ini hanyalah bayangan dari apa yang harus datang, sedang wujudnya ialah Kristus”.
Jenari Paulus pe ningetken kerna kecibal kegeluhen kalak Kristen. Di dalam Kolose 2:6, dikatakan, “Kamu telah menerima Kristus Yesus, Tuhan kita. Karena itu hendaklah hidupmu tetap di dalam Dia”. Di dalam Kolose 2: 10, dikatakan dan kamu telah dipenuhi di dalam Dia. Dialah kepala semua pemerintah dan penguasa”. Begitu juga dalam Kolose 2: 12-14, dikatakan “karena dengan Dia kamu dikuburkan dalam baptisan, dan di dalam Dia kamu turut dibangkitkan juga oleh kepercayaanmu kepada kerja kuasa Allah, yang telah membangkitkan Dia dari orang mati. Kamu juga, meskipun dahulu mati oleh pelanggaranmu dan oleh karena tidak disunat secara lahiriah, telah dihidupkan Allah bersama-sama dengan Dia, sesudah Ia mengampuni segala pelanggaran kita, dengan menghapuskan surat hutang, yang oleh ketentuan-ketentuan hukum mendakwa dan mengancam kita. Dan itu ditiadakan-Nya dengan memakukannya pada kayu salib”. Di dalam Kolose 2:20, Paulus mengingatkan status Jemaat Kolose, nina, “Kam enggo mate ras Kristus, janah enggo ibebasken i bas kuasa-kuasa si la teridah nari…”

Erkiteken si Paulus mindo segelah perpulungen Kolose jangan mau tertipu dan mengikutkan ajaran-ajaren sesat itu. Kolose 2:8, “E maka jagalah, gelah ola ise pe nebu-nebu kam, …” Kolose 2:16, “E maka ola pelespas ise pe erbahan aturen-aturen kerna pangan ras inemenndu, ntah kerna wari-wari mehuli, ntah kerna wari-wari mehuli, ntah kerna bulan nguda, ntah kerna wari Sabat. Kolose 2: 20, “… Engkai maka kam nggeluh tempa-tempa kam sikerajangen doni enda?

Sebalikna, erkiteken kecibal si enggo idatken kalak si tek e, “Kam enggo ipekeke Dibata ras Kristus, Paulus ngajuk segelah kalak Kristen ndarami erta-erta si i surga dingen mbulatken ukurna nandangi erta-erta surga.
Kai ertina e ? Ndarami erta-erta si i surga ertina : “mengarahkan hidup sepenuhnya kepada Kristus. Oleh karena persekutuan dengan Kristus sudah menjadi bagian hidup jemaat, maka perintah mencari hal-hal diatas berarti perintah untuk menghidupkan Kristus di dalam dan melalui perkataan dan perbuatan”.(Armand Barus, Surat Kolose, hal.353) Alu kata-kata Paulus si deban nina, “Lanai aku si nggeluh, tapi Kristus kap si nggeluh ibas aku. Kegeluhenku si genduari ibas doni enda ku geluhken erkiteken kiniteken man Anak Dibata, si ngkelengi aku dingen ngendesken diriNa man gunangku” (Galatia 2;20).
Mbulatken ukurna nandangi erta-erta surga ertina “memiliki motivasi-motivasi yang mendasari semua perbuatan dan pikiran seperti yang dimiliki Kristus (Armand Barus, Surat Kolose, hal.358). Banci pe si bandingken ras isi Kitab Filipi 2:5-11. Palas perukuren ras perbahennta eme kap perukuren Kristus. Nandangi perukuren Kristus e me si bulatken ukurta.

Erpalasken bahan ogenta enda, kita banci ngatakenca, memang secara kiniersadaan sapih-sapih perpulungen la kita pulung erbahan kebaktian Paskah. Tapi sijadi fokus perhatinta emekap kuga kita tetap nggeluhken kegeluhen Kristus ibas perukuren ras perbahanennta. Ibas Kolose 3:12-17, isingetken man banta kerna perukuren ras perbahanen kalak si enggo ngaloken buah ipekeke ras Kristus. Bage pe kita terus mbulatken perukurennta bagi perukuren Kristus. Teridahlah enda ibas kegeluhen jabunta ibas menghadapi pandemic virus corona enda. Misalna, reh teridahna ate perkuah, mehuli, rukur meteruk lemah lembut dingen saber itengah-tengah jabunta. Enda me ulihna kita enggo ipekeke ras Kristus.

Enda ka me si jadi perayakennta ibas kegeluhen anak-anak KAKR. Enggo 130 tahun perdalanen KAKRnta. Sididik dingen sikembangkenlah pengajaren enda ibas diri anak-anak ibas jabunta, bage pe secara lembaga itengah-tengah gerejanta. Anak-anakta jadi anak-anak si nggeluhken kegeluhen Kristus ibas perukuren ras perbahanenna. Enda me sura-sura Dibata segelah sipupus anak-anak si tuhu-tuhu kal bangsa Dibata.(Maleaki 2:15).

Selamat Paskah dingen Selamat HUT KAKR.

Pdt. Tanda Pinem

GBKP Rg. Jl. Sei Batang Serangan

PJJ Tanggal 5 -11 April 2020.
Bahan : Roma 8 : 9-11
Tema : Geluh Si Mbaru ibas Kristus.

( Ngelakoken Kebaktin Kamis Si Badia, Jumat Si Mbelin, Ssabtu Pengarapen ras Paskah )

Shalom, mejuah-juah man banta kerina.
Sekalak perbapaan ngajarken anakna sirusur melawen medak, nina “nakku, aku nai medak jam 5 erpagi-pagi, mis kuaturken dahinku guna nampati bulangndu, kenca e ersikap aku ku sekolah, mulih sekolah nari, mis ka aku nampati bulangndu. Bagem tep-tep wari kulakoken maka banci aku bagi genduari enda. Emaka nakku, perobahilah langkahndu e. Labo medem lalap dahinndu”. Emaka nina anakna ngaloi, nina, “ itu khan bapak, sekarang sudah beda pak, gak gitu lagi”. Arah e tempa-tempa anak e erpengakap maka la lit hubungenna peristiwa masa lalu ras situasi genduari enda.
Kita rusur erbahan peringet-ingeten kerna kejadin masa lalu. Kai nge hubungenna ras kegeluhennta ibas masa genduari enda ?
Ibas minggu enda kita ngelakoken peringet-ingeten kerna peristiwa siterjadi 2000 tahun si lewat. Ibas peristiwa e Dibata encidahken kuasa ras kekelengenNa guna keselamaten doni enda. Peristiwa siniperingeti kita ibas minggu enda emekap Kamis Si Badia, Jumat Si Mbelin, Sabtu Pengarapen ras Paskah.
a. Ibas peristiwa Kamis Si Badia lit piga-piga hal sinilakoken Tuhan Yesus. Ia mpepulung murid-muridna ibas sada rumah. Kenca gelap wari maka Yesus ras murid-muridNa man roti Paskah. (Matius 26:17-29). Erkiteken si e me maka ibas piga-piga Gereja erbahan Lakon Persadaan Si Badia ibas berngi ope Yesus itangkap, Rikutken Yohanes 13, ibas berngi e pe Yesus ngelakoken acara murihi nahe ajar-ajarNa. Erkiteken peristiwa e ka me maka ibas piga-piga Gereja ngelakoken acara murihi nahe ibas kebaktin Kamis Si Badia. Arah peristiwa enda ate Tuhan encidahken kekelengen, kerembakenNa ras ajar-ajar, kiniersadaan, kiniteruken ukur, ras kesetian.
b. Peristiwa Jumat Si Mbelin ngingetken man banta kerna kiniseran Tuhan Yesus. Ibas berngi Ia itangkap, itadingken murid-murid, iadili Iman Si Mbelin Kayapas, ipersoken Petrus. Erpagi-pagi Yesus ibaba ka ku Gubernur Pilatus guna iadili. Yesus pe ibaba ku Herodes janah Yesus igombangi-gombangi Herodes. Kenca bage Yesus ibaba mulihi ku Pilatus guna ndatken keputusen hukumenna. Kalak si enterem lebih milih mbebasken Barnabus janah mendesak Pilatus nalibken Yesus. Emaka iputusken Pilatus me maka Yesus iukum mate. Kiniseran Yesus reh mesangatna, Ia igombang-gombangi, iciduri, ipekpek, ipakeken mahkota duri, isuruh mersan kayu persilangna jine, ipakuken i kayu persilang jenari mate me Ia.
c. Kenca Yesus mate ras ikuburken, diberu-diberu, singikutken Yesus Galilea nari, mulih ku rumah guna nikapken rempah-rempah si merim ras minak wangi guna mait Yesus, erkiteken wari e me wari Jumat, janah jam persikapen wari Sabat nandangi reh. Ibas wari Sabat kalak enda la erdahin (Lukas 23:54-56). Ibas pusuhna, Yesus enggo mate janah arus ilakoken tradisi minaki kalak si enggo mate. Saja erkiteken enggo mengketi wari Sabat kalak enda la banci ku kuburen guna minaki mait Yesus. Mulai Jumat karaben seh kubas wari Sabtu, kalak enda tetap i rumah, nimai-nimai wari Minggu guna ngelakoken tradisi minaki mait. Ibas paksa nimai-nimai enda tuhu-tuhu tergejap uga situasi kebenen kalak enda. Kalak enda ngarapken wari terang gelah banci minaki mait Yesus, labo ngarapken wari terang guna jumpa ras Yesus si keke. Paksa e kalak enda la erpenginget nandangi padan Yesus kerna kekekenNa ibas wari si peteluken. Ibas paksa enda kita enggo erpengangkaan kerna kekeken Tuhan Yesus Kristus. Emaka ibas kita ngerayaken Sabtu Pengarapen enda sijadi titik fokusta emekap gelah kita la hanya nggejapken kebenen kalak sinikelengi kita entah pe kebiaren kerna kematen tapi tek maka kuasa Yesus Kristus me simpekeke kalak si mate si tek man baNa. Enda me titik fokus pengarapennta ibas Sabtu Pengarapen.
d. Ibas wari Minggu erpagi-pagi, diberu-diberu dingen ajar-ajar isenggetken Yesus alu encidahken diriNa si enggo keke ibas si mate nari. Yesus ningetken maka kai sinipadankenNa tuhu-tuhu enggo jadi. Emaka arah peringeten wari Paskah, kita tuhu-tuhu isingetken kerna kemenangen Tuhan Yesus ibas naluken kuasa dosa, kematen.

Enda me peristiwa karya keselamaten sinilakoken Dibata itengah-tengah doni enda. Genduari kita ngelakoken peringet-ingeten enda. Ibas kita ngelakoken peringet-ingeten enda, Kesah Si Badia simpengasup kita erkiniteken nandangi Padan Dibata. Efesus 4:14, nina, “ Kesah e me jadi jaminen maka sialoken me kai si enggo ipadanken Dibata man anak-anakNa. Kesah e pe jadi jaminen man banta maka la bani lang idungi Dibata dahinNa guna nebusi kita, kalak si enggo jadi sikerajengenNa. Terpuji dingen ermulialah Dibata”. Kesah Si Badia me singajari dingen simbukaken pusuh-perukurennta kerna kai sura-sura Dibata ibas ngelakoken karya keselamaten enda. Ibas Roma 8: 23, nina, “Sabab ibas sada wari pagi ibebasken Dibata me kerina si enggo ijadikenNa e ibas perbudaken si erbahanca ia kernep, gelah ia merdeka janah ngenanami kebebasen dingen kemulian ras kerina anak-anak Dibata”. Kesah Si Badia me si mereken kegeluhen si mbaru dingen si mpengasup kita guna nggeluhken kegeluhen si mbaru. Roma 8: 2, “ Kesah, si biakna kin mereken kegeluhen man kalak si lit ibas persadaan ras Kristus Yesus, enggo mulahi kam ibas biak dosa ras kematen nari”, bage pe Roma 8: 11. Kesah Si Badia simimpin pusuh perukurennta maka kita lanai ndalanken sura-sura doni enda tapi ngelakoken sura-sura Kesah Si Badia e. Kesah Si Badia me sinjadiken kegeluhen Tuhan Yesus sebagai usihen, motivasi ras inspirasi ibas kegeluhenta.
Jadi, nginget masa lalu labo sekedar seremonial, bernostalgia dengan masa lalu si lalit dampakna kubas kegeluhennta masa genduari enda. Bujur ninta man Dibata erkiteken pendahin Kesah Si Badia, kai sijadi 2000 tahun si lewat tetap mereken kegeluhen man banta genduari enda ras seh rasa lalap. Emaka marilah silakoken peringeten Kamis Si Badia, Jumat Si Mbelin, Sabtu Pengarapen ras Paskah enda. Aminna gia kerina enda silakoken ibas jabunta sekalak-sekalak, si jadi fokusta emekap ulih pendahin Kesah ibas kegeluhenta. Arah peringet-ingeten enda kita ndatken pergegeh guna kegeluhenta genduari enda. Selamat Paskah.

Pdt. Tanda Pinem
GBKP Rg. Jl. Sei Batang Serangan

PJJ Tanggal 29 Maret – 04 April 2020

Bahan Ogen : 1 Petrus 2:4-5
Tema : Rehlah Desken Batu Si Nggeluh.

Shalom, man banta kerina.
Perpulungen si ni kelengi Tuhan Yesus Kristus,

Awalnya, bahan PJJ enda isikapken man banta guna ngalo-ngalo Sidang Sinode GBKP pe-36-ken ibas tanggal, 13-18 April 2020. Sendalanen pe ras sehna Berita Si Meriah man kalak Karo 130 tahun ibas tanggal 18 April 2020.
Saja, erkiteken kita pe ikut muat bagin ibas gerakan kiniersadaan raduken kerina elemen bangsa enda mencegah penyebaran virus corona-19, emaka sidang Sinodenta iundurken jadi tanggal 7 – 11 Juni 2020.
Amin bage gia, kita tetap perlu nginget pendilo Dibata man banta selaku Gereja, terlebih ibas enggo 130 tahun Berita Si Meriah e enggo seh man kalak Karo. Arah tema enda mabai kita guna ngenehen kuga kita enggo makeken dirinta desken batu si nggeluh.

Perpulungen sinikelengi Tuhan,
Kita idilo guna reh nandangi Tuhan, Batu Si Nggeluh e. Guna ngangkaisa tole kita banci ngoge Efesus 2: 20-22, nina, “ Kam pe ipajekken i babo palas si tamaken rasul-rasul ras nabi-nabi, janah Kristus jine me palas persukina. Si nentuken susunen kerina bagin-bagin bahan-bahanen e. Bahan-bahanen e tambah belinna janah jadi Rumah Pertoton si Badia i bas Tuhan. Ibas persadaanndu ras Kristus, kam pe ras kerina kalak si deban iranggut jadi sada rumah, i ja Dibata ringan alu KesahNa”. Arah nats enda, siangka maka Yesus me Batu Si Nggeluh e. Aminna kalak la ngergaken Ia entah la memperhitungken Ia, tapi Dibata milih ia dingen ngergaken Ia. Ia jadi batu palas persukina. Kerina bagin-bagin bahan-bahanen e irakut alu batu palas persukina, seh maka enggo banci pajek jadi sada bangunen. Bagem pentingna batu palas persukina e.
Ibas kita reh ndahi Batu Si Nggeluh, penggejapenta pe arusna bagi Batu Si Nggeluh e. Ertina, ibas kita arus lit penggejapen maka kita labo kai pe, labo meherga. Tapi kenca kita ersada ras Kristus Yesus, ije maka kita ndatken fungsinta. Arah e pe kita banci ngatakennca maka kegeluhen kalak Kristten la banci pulah ibas kiniersadanna ras Kristus. Kita ngakui maka gegehta, kepentarennta, kengasupenta, ras kinigenggenta labo lit adi la kin kita rembak ras Yesus Kristus. Kita pe nggejapken maka kegeluhenta e lit gunana tupung kita tetap ibas bangunen e ija Yesus Kristus jadi palas persukina. Kita megegeh erkiteken kita ersada sapih-sapih kita kalak si erkiniteken.

Perpulungen sinikelengi Tuhan,
Kai dage fungsinta ?
Ibas pengogenta ndai ikataken maka kita ibahan Dibata jadi Imam. Fungsi imam isingetken pe emekap guna mpersembahken man Dibata persembahen pertendin si ngena ate Dibata. Kai ertina e ? Ibas 1 Petrus 2: 9, tole ikataken nina, “ Tapi kam e me bangsa pilihen, imam-imam Raja, bangsa sikerajangen Dibata, anak-anak Dibata si ipilih guna meritaken perbahanen-perbahanen Dibata si mbelin. …”. Alu e tangkas maka fungsinta emekep meritaken perbahanen-perbahanen Dibata si mbelin.
Kuga dage carana kita meritaken perbahanen-perbahanen Dibata si mbelin ibas situasi si genduari enda ? Jadilah kita kalak Kristen si tetap semangat, optimis, kalak si tek maka kuasa Dibata si mimpin kita mentasi situasi enda. Tuhu enggo melala dampakna man banta erkiteken covid-19 enda, amin bage gia la kita biar-biaren, bagi kuan-kuan enggo cirawisi awihna. Enggo turah pinakitna, labo erkiteken e enggo jadi, tapi erkiteken enggo jadi ukurenna. Si sampat-sampaten lah kita, sipegegeh-pegegehen kita gelah ras-ras kita ngasup mentasi perbeben enda. Belas-belas simpegegehilah sibelasken kita.
Bagenda me kita, ibas ngalo-ngalo Sidang Sinodenta bage peringetken 130 tahun sehna Berita Si Meriah man kalak Karo, tetap kita ngerembakken dirinta man Batu Si Nggeluh e, bage pe kita kerina reh ersadana, alu bage teridah me fungsina jadi imam si meritaken perbahanen Dibata si mbelin.
Tuhan Dibata Si Masu-masu Kita Kerina. Amin.

Pdt. Tanda Pinem
GBKP Rg. Jl. Sei Batang Serangan Medan

Bahan Ogen : Jesaya 45 : 22-25
Tema : Dahilah Tuhan (Spiritualitas).

Shalom, mejuah-juah man banta kerina.

Perpulungen sinikelengi Tuhanta Yesus Kristus,
Ibas situasi penyebaran Virus Corona-19, tema si seh man banta emekap Spiritualitas. Salah salah sada tolak ukur spiritualitasta rusur inehen arah kerehennta ndahi rumah pertoton Tuhan. Emaka, ibas anjuran kerna penyegahan penyebaran virus corona-19, ija kita iarapken guna erdahin rumah nari, erlajar i rumah ras beribadah i rumah, emaka tempa-tempa nggo urak spiritualitasta. Alu kata sideban, lit si erpangakap maka enggo kita biaren nandangi virus asangken pendilo Dibata guna reh ku rumah pertoton. Kuga nge pengangkanta kerna Dahilah Tuhan entah pe spiritualitas e ?

Sendalanen ras bahan PJJ siisikapken GBKP, kita banci erlajar kerna spiritualitas. Rikutken bahan ogen PJJ, ije isengetken kerna pendilo Dibata man kerina bangsa-bangsa guna ndahi Tuhan. Engkai maka Dibata erdilo ?
Guna ngangkai pendilo Dibata enda kita banci ngoge mulai Yesaya 44:24. Mulai Yesaya 44:24, ije ituriken kerna Dibata ngenca Dibata si sada, la lit si deban. Dibata nuriken maka Ia ngenca Dibata, la lit si deban, alu erbage-bage cara.
Sipemena. Ia me si nepa manusia, mulai kin ibas bertin nari. Ia sinjadiken si nasa lit, si sada, la lit si deban si nampatisa ( Yesaya 44:24). Guru-guru pertendung Kupebodoh-bodoh, nina Dibata. Perkataan kalak pentar ipersilahang Dibata (Yesaya 44:25). Sebalikna, berita si ipeseh persuruhen Tuhan, tuhu-tuhu jadi (Yesaya 44:26). Bagenda me Dibata encidahken kuasaNa nandangi si nasa lit, termasuk pe ibas milih dingen ngangkat Raja Kores. Dibata ngataken kempak Raja Kores, “ Kam merentah guna Aku, lako ndalanken sura-surangKu”, emekap guna naluken bangsa-bangsa, nangtangi kuasa raja-raja, ras nalangi kerabangen kuta-kuta guna Tuhan ( Yesaya 44:28, Yesaya 45:1). Tuhu sulit nge siakap ngalokennca, adi Raja Kores si la nandai Dibata, tapi ikataken Dibata maka ia me raja sipilih ras siidilo Dibata(Yesaya 45:4). Tapi bage me pengakun ibas Kitab Yesaya enda, maka Dibata erkuasa ngaturken kegeluhen raja si la nandai Ia pe.
Sipeduaken. Dibata mpetangkas kuasaNa alu ngataken maka Ia me si nepa doni, janah njadiken manusia guna ngianisa ( Yesaya 45: 12). Dibata kap si nepa langit, la lit dibata si deban, seakatan Ia. ItepaNa ras ipetembeNa doni enda, paguh dingen tahan ibas inganna. Taneh enda itepaNa la burbar, la mesuni tapi mehuli, gelah banci iiani. Nina Tuhan, “Aku kap Tuhan, si deban la lit dibata” (Yesaya 45:18).
Sipeteluken. Kuasa Dibata e tangkas arah Ia singkelini kerina manusia. “Ma kin Aku, Tuhan, Dibata si adil ras si Engkelini ? Seakatan Aku, la lit Dibata”. Mari, dahilah Aku maka kam Kukelini, o kam kerina manusia i doni. Sabab Aku ngenca Dibata, la lit si debanna” (Yesaya 44:21-22). Kata-kata enda itujuken man kalak ‘si erbaris siarak-araken maba gana-gana kayu; siertoto man gana-ganandu’ (Yesaya 44:21). Alu kata si deban, amin kalak enda nembah man gana-gana, janah erkiteken si e kalak enda arusna iukum, tapi Dibata tetap ndilo kalak e guna ikelini, sabab gana-gana e labo banci engkelini. Dibata ngenca si ngasup engkelini. Enda me artina keadilan Dibata. Enda me sinuduhken maka Dibata ngenca Dibata si tuhu-tuhu, la lit si deban. Dibata erpadan, maka kai siikatakenNa e tuhu, janah la mobah-obah. Ibas paksana pagi erjimpuh me kerina manusia ilebe-lebe Dibata, janah ikataken manusia e, “Arah Tuhan ngenca maka lit kemenangen ras kuasa”. Dibata pe nehken padanNa nandangi kesusuren Jakup. Kesusuren Jakup la banci lang ndatken kemenangen.
Enda me palasna maka Dibata ndilo kerina manusia. Dibata ngenca Dibata, la lit si deban. Ia adil dingen erkuasa guna engkelini.
Erpalasken pengangkaanta enda, maka spiritualitas banci sikataken emekap kerehennta guna ndahi Tuhan. Kita reh ndahi pendilo Dibata erkiteken kita tek maka Dibata ngenca, la lit si deban si adil dingen si engkelini manusia. Kita tek maka kegeluhenta enda me bukti keadilen ras pengkelini Dibata. Kita iselamatken Dibata arah kematen Yesus Kristus, aminna gia situhuna kita nge si patut iukum mate. Kai si lit ibas kegeluhenta enda, misalna pemeteh, kengasupen, kesempaten ras erta si lit ibas kita, e pe bukti keadilen ras pengkelini Dibata. Pengakun kerna kegeluhenta enda me bukti keadilan ras pengkelini Dibata sicidahken arah kerehenta ndahi Dibata. Kerehenta ndahi Dibata banci sicidahkan arah erbage-bage bentuk.
Ibas kita reh ndahi Dibata, kita makeken kerina kegeluhenta guna kemulian Dibata. Ija pa pe ras katawari pe, sipakekenlah pemeteh, kengasupen, kesempaten ras erta si lit ibas kita guna mpermuliaken Dibata. Teridahlah kita kalak simpermuliakan Dibata arah perukuren, pengerana ras perbahanennta. Alu kata si deban, kita encidahken spiritualitasta la terbatas ibas ruang ras waktu tertentu saja, tapi katawari pe ras ija pe kita harus encidahken maka kita kalak si reh ndahi Dibata.
Kita pe reh ndahi Dibata ibas ingan ras waktu tertentu, misalna alu ibadah pribadi, ibadah keluarga, ibadah perpulungen ras ibadah minggu.
Alu bage, melala bentukna kita encidahken spiritualitasta. Bentuk-bentuk enda isingetken gelah si eteh maka guna encidahken spiritualitas labo kita hanya ngenehen kubas kerehennta kubas kebaktin minggu saja entah PJJ ( Tidak memakai kehadiran di Gereja atau PJJ sebagai satu-satunya ukuran spiritualitas kita). Emaka adi guna menghambat penyebaran virus corona-19 kin maka kita la erbahan kebaktin minggu ras-ras i gereja entah pe erPJJ raduken ngawan ibas sector PJJ-nta, tapi kita erbahan kebaktin Minggu entah PJJ ibas jabunta masing-masing, labo e encidahken maka enggo kurang spiritualitasta. Spiritualitasta pe teridah ibas pengangkaanta maka kerina kejadin ibas doni enda, termasuk penyebaran virus corona-19, tetap iteruh kuasa Dibata. Bali nge sulitna tupung ngangkai Dibata ndilo dingen milih Kores, si la nandai Dibata, guna jadi raja si mulahi bangsa Israel. Tapi bage me kuasa Dibata. Erkiteken tek kita maka Dibata nge erkuasa ibabo penyebaran virus corona-19 enda, maka sipindolah man Dibata guna engekelini kegeluhen manusia enda. Tetaplah si pindo man Dibata segelah mereken gegeh ras kesehatan man kerina petuga medis si nangani korban virus corona-19 enda, bage pe pasien-pasien ipasu-pasu Tuhan penyembuhenna. Bage pe, adi banci kita “bekerja dari rumah, belajar di rumah dan beribadah di rumah”, e enggo encidahken tanggungjawab spiritualitasta nandangi persoalan penanganan penyebaran virus corona-19 enda.
Ibas situasi penyebaran virus corona-19 enda, sipakekenlah kesempaten enda guna mpegegehi kiniersadaannta itengah-tengah jabunta ras reh teridahlah tetap spiritualitasta.
Tuhan si masu – masu kita kerina.

Pdt. Tanda Pinem

GBKP Rg. Jl Sei Batang Serangan Medan

Tema : Beritakenlah si mehuli (TI: Guna ras Tujun)
Teks : Perb. Rasul-rasul 15:22-29

Tekhnologi Informasi adalah semua tekhnologi berbasis komputer yang memampukan seseorang untuk mengumpulkan, menyimpan, mengakses dan bertukar segala jenis informasi di dunia yang dikomunikasikan melalui internet. Menurut laporen Asosiasi Penyelenggara Jasa Internet Indonesia (APJII), ibas tahun 2017, + 143 juta kalak Indonesia enggo terhubung ku Internet. Ertina sejak tahun 2017 lk 55% penduduk Indonesia menjadi pengguna Internet ras e terus meningkat seh genduari enda. Secara global Indonesia lit ibas uruten ke-5 kenca China, India, Amerika Serikat ras Brazil.
Riset siilakoken APJII man 2500 pengguna internet engataken maka mayoritas pengguna internet (72,4%) eme masyarakat kalangen urban. Secara demografis pengguna internet e lit ibas usia 19-34 tahun (49,5%), strata ekonomi sosial menengah ke bahwah (74,69%). I tinjau arah prilaku pengguna Internet si mayoritas kalak nguda e cenderung konsumtif ras langga bo serius makeken kekuaten tekhnologi. Internet buen dengga i pake sekedar chating, berjejaring sosial i dunia maya, browsing, ntah sekedar ngenen foto ras vidio.
Ibas pengguna internet si langga optimal enda Indonesia justru jadi negara no 1 i dunia ndatken serangen dunia maya. Selain rentan jadi korban ntahpe pelaku kejahaten i dunia maya pengguna internet I Indonesia cenderung menjurus kubas gejala kecanduan sebab Indonesia lit ibas uruten ke 4 sebage pengguna internet tertinggi eme 8 jam 51 menit ibas sada wari.Langga pernah terjadi ibas sejarah bahwa manusia ngkeriken buen waktuna alu natap layar daripada berelasi ras kalak sideban.
La terpungkiri memang, kemajun tekhnologi informasi ras komputer genduari e enggo mpebayak (sekaligus memborbardir) kegeluhen manusia alu erbage media. Secara sederhana media banci idefenisiken sebage sesuatu si berada di antara. Ibas kaitenna ras komunikasi bagepe informasi melalui tekhnologi komputer maka media e eme alat/perangkat tekhnologi si lit antara si nehken berita ras si ngaloken beritaEmaka manusia terus berupaya meningkatken media komunikasi gelah mbue permasalahen ibas geluh enda banci iatasi. Manusia memahami bahwa peradaben manusia bergantung kal kubas perkembangen media komunikasi si ipake. Reh pedasna berita e seh maka peradaben manusia reh pedasna meningkat. Tapi masalah si turah ibas cara erkomunikasi lewat tekhnologi pe perlu iwaspadai. Pandangan gnotisis pe banci berkembang alu pedas. Aspek si la teridah e lebih tinggi nilaina asangken aspek si teridah. Manusia banci cenderung ngidah komunikasi ras relasi i dunia maya ndauh kal ulin asangken komunikasi ras relasi secara langsung ras nyata. I samping sie cara komunikasi lewat tekhnologi erbahansa manusia mengalami kegeluhen alu identitas ganda (dunia nyata ras dunia maya). Peluang erbual, nipu semakin terbuka lebar.
Ibas teks PJJ nta sekali enda surat ipake sebage media komunikasi gereja mula-mula guna nehken hasil persidangen i Yerusalem. Si menarik i jenda bahwa pertua-pertua ras Rasul-rasul la mengandalken surat e saja tapi tetap ibahan utusen guna maba surat e man perpulungen si labo kalak Yahudi si ringan i kuta Antiokhia, i propinsi Siri ras propinsi Kilikia. Engkai la cukup surat e saja i kirimken? Engkai arus lit utusen? Ras utusen si iban pe labo kalak biasa. Paulus, Barnabas, Barabas ras Judas eme kalak si ihamati i tengah perpulungen termasuk perpulungen si labo kalak Yahudi. Ternyata arah enda perlu kita erlajar bahwa lit nge hal si perlu isehken cukup arah media e saja tapi lit hal si labo banci iandalken media e saja. Keputusen sidang e perlu dengga penjelasen arah kalak si mengikuti sidang e alu tutus sebab kemampun media menjelasken, mendengarkan, menyaring labo lit. Kai si itulisken perberita e ka nge si ialoken kalak si ngaloken berita. Media hanya mampu mpeseh berita melalui bahasa tulisen. Bahasa tubuh labo ia ngasup mpesehsa. Erkiteken sie perlu kal kita bijak ibas makeken media elektronik e. Berita sebagai hasil keputusen perlu ipeseh arah media e tapi ersidang labo perlu ibas media e.

Pdt. Rosnelli Br Sembiring, MA ,M.Th
GBKP Rg Bena Meriah

Bahan : 2 Korinti 5:16-19
Tema : Perukuren si Mbaru (Evaluasi Entreprenurship)
LATAR BELAKANG

1. Kitab 2 Korinti enda itulis rasul Paulus i Makedonia nari man perpulungen Korinti, e me guna ngkuhi suratna si pemena ndube, ija lit denga kalak si menentang ras nulak kerasulenna. E maka surat sipeduaken enda membela kerasulenna, mendukung gelah kerina perpulungen tetap setia ibas ajaren si benar ras pe mperlengkapi perpulungen guna ngalaken tantangen geluh ras pelayanen.
2. Ibas bahan Pjj-nta, alu perikop: erdame ras Dibata arah Kristus, kita ibabai guna memahami uga kin erti ras makna erdame ras Kristus Jesus e.
   PENJELASEN
3. Perdamen manusia ras Kristus labo perbahan kiniulin manusia, tetapi murni inisiatif Kritus. “Dibata nge si nikapken kita guna si e, janah selaku jaminenna, Dibata enggo mereken KesahNa man banta” (2 Kor.5:5). “Sebab erkiteken lias ate Dibata nge maka kam terkelin, erkiteken tek kam man Kristus” (Ef.2:8).
4. Kalak si nggejap maka kekelengen Kristus e nge maka seh kita ku sada pengertin : “Sekalak Manusia enggo mate guna kerina manusia. Enda ertina maka kerina manusia e enggo mate. Ia mate guna kerina manusia, gelah kalak si nggeluh lanai nggeluh erbana-bana, tapi guna Ia si enggo mate dingen si enggo ipekeke Dibata ibas si mate nari” (2 Kor.5:14-15).
5. Kalak si enggo ngantusi keleng ate Kristus e pengerganna nandangi manusia lanai rikutken pertimbangen doni enda (ay.16). Adi pertimbangen doni enda e me erpalasken kai si teridah: erta, jabaten, fisik/lahiriah ras sidebanna. Contoh: nabi Samuel ngehen Eliap anak, Isai (1 Sam.16:6-7). Tapi kalak si enggo nandai (tek) man Tuhan ia ngergaken manusia bagi Kristus ngergaken manusia. Uga kin Kristus ngergaken manusia? E me alu njadiken musuhna jadi temanNa (2 Kor.5:18). Bage me kalak si tek idilo njadiken musuh jadi temanna (band. Kua.16:7).
6. Kalak si enggo nggejapken keleng ate Tuhan e, kalak si enggo tek man Tuhan, perukurenna ipelimbarui, “Adi kalak ersada ras Kristus, ia me tinepa si mbaru, si male enggo lepas, janah nehenlah si mbaru enggo reh” (ay.17). Alu kata sideban, “Lanai aku si nggeluh, tapi Kristus kap si nggeluh I bas aku. Kegeluhenku si genduari ibas doni enda kugeluhken erkiteken kiniteken man Anak Dibata, si ngkelengi dingen si ngendesken diriNa gunangku” (Gal.2:20).
7. Kalak si enggo ipelimbarui perukurenna e idilo ka gelah nggeluh bagi Kristus, maba perubahen, la ngkira kelepaken teman, maba pasu-pasu. Njadiken musuh jadi teman. Kalak si tek idilo maba Berita perdamen e (ay. 19).
   PENGKENAINA
8. Tema: Perukuren si Mbaru
   a. Perukuren si mbaru eme perukuren kalak si enggo nandai ras tek man Jesus Kristus selaku Tuhan ras Juruselamatna.
   b. Perukuren si mbaru e teridah arah carana ngergaken temanna manusia. Lanai ngergakenca erpalas sukat-sukat doni (erta, jabaten, gegeh, lahiriah, rsd), tapi erpalas sukat-sukat Kristus Jesus: kekelengen, la ngkira kesalahen, nuraken kiniulin ntah keselamaten temanna, rohaniah. Njadiken musuh jadi teman. Si la jore jadi melikas.
   c. Kerehen ntah kehadiren kalak si perukurenna pelimbarui eme mpejoreken. Kreatif, inovatif, positif ras konstruktif guna membangun, mpelimbarui.
9. Selaku perukuren si enggo ipelimbarui ibas Kristus:
   a. Statusta selaku kalak si tek man Jesus Kristus eme geluhta enggo ipelimbarui, si male enggo lewat, si mbaru enggo reh. Si male e eme sura-sura ukur manusia: erlua-lua, si nggesuh, la meteh mela, nembah berhala, ras erbahan ilmu sihir, simusuhen, rubati, mecimberu, perampus dingen kepentingenna saja ngenca iukurina. Erbahan perpecahen, erpihak-pihak, sicianen, mabuk, pesta minem-minem seh mabuk rsd. kalak si agenda la dat bagin ibas Kinirajan Surga (Gal. 5:19-21). Perukuren si mbaru eme perukuren si ipimpin Kesah si Badia: Erkekelengen, lit keriahen lit kemalemen ate, kesabaren, perbahanen si mehuli, mehuli, setia. Meteruk ukur, nguasai diri. Kalak si bage, perukurenna selaku manusia enggo isalibkenna i kayu persilang rikut kerincuhen ras sura-surana. Perukurenna ipimpin Kesah e, la meganjang ukur ntah sitokohen, la sicianen (Gal.5:22-26).
   b. Kalak si perukurenna mbaru, tentu ngasup ia ncibalken kegeluhen selaku surat ni Kristus (gambaren Tuhan), ngasup jadi sira ras terang man doni enda (Mat. 5:13-16). Teridah ras ternanami erti kehadirenna.
10. Terkait ras evaluasi Entrepreneurship (kewirausahaan), selaku kalak perukurenna si mbaru baci min kreatif, inopatif, positif ras konstruktif ibas membangun kerina usahana. Contoh kreatif: Israel menemukan anti virus Corona, keluarganta si jadi pasu-pasu, usahanta si kelola dengan maksimal, pelayanennta si tingkatken: Misalna: pelayanen kalak sakit menahun/kebutuhen khusus, kursus menjahit tahap 2, kursus EE guna peningkaten pemahamen PI, pembangunen si terus berlanjut, MWSR si lebih berkualitas ras berkuantitas, sidang ras sermon makin erkualitas, dsb.
11. Perukuren si mbaru pe ngasup mereken filter (penyaringan) nandangi pertakin doni si meneken. Alu bage kita terbuka alu hal-hal si mabru, tetapi tetap memiliki daya selektif.
12. Ibas perukuren si mbaru e kuasa Dibata si nemani ras si ngarak-ngarak kita. E maka gegehta rehna ibas Tuhan nari. E me si erbahan kita megegeh, paguh ras ngasup ermeriah ukur dingen ngataken bujur katawari pe.
    (Pdt.Arapen Peranginangin)

Roma 15:5-6
Ersadalah ukurndu (musyawarah ngawan)

1. Ibas PJJnta Sekali Enda kita erlajar mulihi uga ngeluh ersada itengah perpulungen Tuhan guna mpermuliaken Tuhan.
2. Lit piga2 penungkunen si perlu siajuken rikutken bahanta Enda:
   a. Apakah sedekah Enda kita enggo ngeluh ersada Ibas perpulungen?
   b.Engkai maka kita arus ersada Ibas perpulungen?
   c. Uga kin siimaksudken ngeluh ersada Ibas perpulungen?
   d. Apakah Adi ersada ertina lanai lit perbedan ntah terus mengalah?
3. Mengoreksi ras mengevaluasi keersadan ngeluh itengah perpulungen e perlu. Sepengidah kami musyawarah sisi jemaat eme Sada wadah ntahpe momen man banta lebih melihat secara mendalam kerna kersadan jemaat. Jadi momen pe guna membangun keersadan ngeluh perpulungen. Icidahken perpulungen e kin kepedulinna man gereja, labo man sektorna saja, kategorialna saja.
4. Engkai maka arus ersada? E sura2 DIBATA si ipesehNa man banta arah Yesus Kristus. Emaka pemerena nge ersada e alu tujuan gelah kita mpermuliaken Dibata labo guna tujuan sideban.
5. Uga maka banci ersada? Alu meneladani Kristus. Bas kai Ia man teladanen? Ibas ia ersada ras bapa. Dibata e la terbagi2 ntahpe terpecah2. Ibas ia ngalemi salah dosanta

Pdt. Rosnelli br Sembiring, MA, M.Th

GBKP Rg. Bena Meriah

Idilo Nggejapken Kiniseran Jesus (I Petrus 2:21-25)

Ibas doni si dem perbeben enda, kiniseran nggo jadi hal si biasa man bannta. Amin bage gia, labo berarti kiniseran e menukah guna ngalakenca. Bage ka pe ibas ngalakenca sie kerina piga-piga kalak milih guna kiam dingen nilah ibas perbeben e, tapi mbue ka nge si tetap ukurna ngalaken perbeben e. Ibas piga-piga kalak si nggit bertahan, lit ka nge si nalahken dirina, kalak sindeban ntah pe keadaan seh maka pekulah-kulah ia labo kai pe siterjadi. Si jadi penungkunen man bannta, uga arusna sikapta ibas merespon kiniseran e selaku kalak sierkiniteken. Janah teksta ibas wari enda sijadi bahan PJJnta nuriken uga Yesus ngalaken perbeben si la arusNa ialakenna, ukumen si arusna labo Ia ngalokenca.

Surat Petrus enda eme kap surat siitulisken Petrus man kalak Kristen si tading ibelang-belang Asia Kitik. Tujun Petrus nulisken surat enda eme erkiteken ia erpengarapen maka keriahen e guna ibereken man kerina kalak sierkiniteken segelah kalak sierkiniteken ngusih Yesus si ngenanami kiniseran amin pe Ia labo bersalah. 1 Petrus 2 eme sada telah-telah gelah nggeluh alu badia ibas erpemahamen kerna pengorbanen Kristus si mbelin. Seh maka Kristus ngenanami kiniseran guna kita manusia. Ay 18-25 eme Kerna Kristus si jadi usihen.

Ay. 21 Guna si enda me kap idilo Dibata. Untuk itulah Allah memanggilmu. Kata “untuk itulah” (eis touto) ayat enda situhuna Petrus nuriken kerna kebenaran bas ayat 19-20. Ipasu-pasu Dibata me kam erkite-kiteken si enda, adi megenggeng kam i bas kiniseran si la patut ialokenndu, sabap ietehndu kai si ngena ate Dibata.  Sabap kai kin si man pujinken adi igengkenndu gia parap-parap si patut ialokenndu erkiteken kam nggo erbahan salah? Tapi adi megenggeng kam i bas kiniseran aminna pe mehuli perbahanenndu, ipasu-pasu Dibata me kam erkiteken si e.Kerina kalak Kristen tidak dikecualikan ngaloken dingen ngenanami penderitaan. Ibas pernderitaan sibage rupa, ia pe mereken penghiburan situhu-tuhu.

Pengapul sipemena si ituriken Paulus eme kerna penetapan Allah (ayat 21a). kiniseran erkiteken kebenaran siinanami kalak sierkiniteken labo sada kecelakaan ntah pe sada kebetulan tapi sipahami jadi sada pendilo man kalak Kristen.Kalak Kristen idilo (eklēthēte) guna sie kerina. Bagi Dibata si erdolat ndilo kerina kalak Kristen ku keselamatan ibas  Yesus Kristus (1:15; 2:9), bage ka pe kalak Kristen idilo guna ngenanami kiniseran erkiteken kebenaran (2:21a).

Pengapul siberikutna eme kap pengapul si erwakiten ras penderitaan siinanami Kristus (ayat 21b). Tupung kita ngenanami kiniseran erkiteken kebenaran, labo kita sisada-sisada. Labo kita si pemena ngenanamisa tapi Yesus selaku penebusta leben ngenanami kiniseran si lebih asangken siinanami kita paksa genduari enda. kenca kita meteh maka lit kap pribadi/sosok si leben ngenanami dingen menang ibas pergumulen ngelawan perbeben e, arusna e jadi pengapul si mbelin man bannta. Sebab tupung kita ngenanami kinseran e cenderung kita nggejapken maka kita sisada nge ngenca janah kita me si liahna. Penggejapen si bage biasana erbahanca erberatna kegeluhennta.

Kai siilakoken Yesus Kristus labo ngenca guna ngapuli, tapi jadi usihen. Enda labo ngenca guna ikagumi tapi jadi kemenangen si iikutken. Kiniseran e mereken usihen (hypogrammos), desken anak-anak si sangana erlajar nulis. Enggo ibereken pola titik-titik janah anak-anak ngikutken pola si nggo lit. Bage la nge siilakoken Yesus bas kiniseran e.emaka tugasta eme kap ngikutken pola e alu setia.

Ayat 22, 23, 24 eme kap telu bagin singajarken kita kerna penderitaan si uga nge si inanami  Kristus ras arus si usih. Sipemena, menderita tanpa bersalah (ayat 22). Kristus la erdosa, ketidakberdosaan Kristus ibas ayat enda merujuk pada dua hal: keseluruhan hidup-Nya yang tidak berdosa dan respon-Nya yang benar dalam menghadapi penderitaan. Kristus la ngelakoken dosa, tetapi Ia tetap ngalaken penderitaan tupung bage pe labo ilakokenna dosa.

Sipeduaken, menderita dengan sabar (ayat 23). Asum Ia igombang-gombangi kalak, ntah ibas bahasa Indonesia i terjemahken “mencaci-maki” adi ikataken enda terjemahan sebenarnya labo terlalu tepat. Kata dasar loidoreō lebih ke arah pelecehan verbal atau ejekan (Yoh 9:28; Kis 23:4; bdk. NRSV “when he was abused, he did not return abuse”). Kata kerja imperfek “tidak balik melecehkan” (antiloidoreō) banci ikataken eme tindakan yang terus-menerus di masa lampau. Yesus tetap mengontrol mulut-Nya ibas kerina pengerana si banci melecehkan orang lain. Enda sendalanen ras kesucian perkataan-Nya di ayat 22. Labo ngenca la erbalas, Kristus pe labo nggit mengancam. Kristus selalu memilih untuk tidak mengancam. Hal enda situhuna metahat kel guna ngelakokenca. Sebab Kuasa si lit ibas Yesus banci saja mereken ancamen dingen persinget kerna ukumen man kalak si erbahanca Ia ngenanami kiniseran. Tapi labo sie siilakoken Yesus, Yesus mindo man Dibata gelah kalak si nggombangi Ia ngaloken pengapunen dosa(Luk 23:34).

Rahasia kemenangen Kristus eme kap erpengenndes man Dibata si adil alu total. Ia sinik labo erkiteken la banci erbalas. Tapi erkiteken pengendesenna man Dibata. Erpengendes ntah pe Penyerahan labo ngencasekali (lihat kata kerja imperfek paredidou). Ia tetap erpengendes/selalu berserah.Kai siiendeskenNa?  Dirinya, perkara-Nya, ataupun musuh-musuh-Nya.

Kalak si meteh dingen erkiniteken nandangi keadilan Dibata labo nggit mbalas kejahatan alu kejahatan. Sebab ia erkiniteken maka perbahanen Dibata eme perbahanen si adil. Tapi adi lit kalak si erbahan penghakimen ibas tanna justru ngaloken penghakimen idur Dibata nari.

Sipeteluken ngenanami penderitaan erkiteken kalak sindeban (ayat 24-25). Kristus labo nandai dosa (2:22), tetapi ngalaken akibat erkiteken dosanta (2:24). Kiniseran siinanamina labo erkiteken perbahanenNa, labo erkiteken dosaNa tapi kiniseran siinanamina erkiteken kita ras perbahanennta.

Selaku kalak sierkiniteken si jadi pengikut Kristus, arus kita ngusih kai siibahan Yesus ibas kegeluhennta. Amin pe reh perbeben nderpa kita tetap si jaga pusuh peratennta dingen la kita terbaba emois alu mbalas perbahanen si la mehuli siibahan kalak man bannta. Amin pe i gombang-gombangi kalak, ancam-ancam kalak ula si balas alu nggombangi dingen ngancam kalak sindeban. Sebab emosi erbahanca kita reh dauhna dingen reh lupana nandangi usihen siibahan Yesus nandangi kita kalak sierkiniteken. Erkiteken sie, labo perlu kita gentar ngalaken persoalen si turah ibas kegeluhenta sebab lit Dibata si megegeh dingen dem alu keleng ate.

Pdt Frebin Thearona Sembiring Tekang S.Si (Theol)

Runggun Simpang Glugur

SERMON PJJ TANGGAL 16 – 22 Pebruari 2020

KLASIS MEDAN KAMPUNG LALANG

TURIKEN ALU TANGKAS  ( Lukas 1 : 1 – 4 )

1. Injil Lukas ras Perbahanen Rasul rasul eme kitab si itulis Lukas. Ia sekalak Dokter. Ia labo rasul si 12, tapi ia eme teman Paulus ibas pelayanen meritaken berita si meriah. Ia saksi mata ibas pembarken berita si meriah e dingen ngidah perubahen kegeluhen kalak si enggo tek man Yesus Kristus.
2. Sura sura Lukas ibas ia nulisken surat enda eme segelah enterem kalak nandai ras tek nandangi Yesus Kristus. Salah sada si tekanken Lukas ibas suratna eme Kerehen Yesus maba keriahen man kerina manusia ( 2:10) . Pemenana surat enda  itujuken man Teofilus (Kekasih Allah),sekalak pejabat Romawi si sangana ndarami /erlajar kerna kebenaren Dibata. Lukas ersura sura guna mpeteguhi kiniteken Teofilus segelah ula bimbang kerna berita berita si seh man bana. Kedungenna kitab enda I pake perpulungen si pemena . Injil Lukas nuriken kerna ketubuhen Yesus , pengajarenNa, tanda tanda sengget si ilakokenNa bage pe kekekenNa. Kitab Perbahanen Rasul Rasul nuriken kerna KenangkihenNa ku surga, nusurna Kesah si Badia ras penampatNa arah pendahin rasul rasul.
3. Sadahal si penting ibas kitab enda , ibas ia nuliskenca enggo leben ipepayona alu megermet kerina kejadin e ibas mula mulana nari (3), niksikisa arah tangan pertama eme saksi mata (2). Kenca enggo iakapna payo kebenarenna emaka isuratkenna alu ratur dingen isehkenna man Teofilus , guna mpetangkas maka pengajaren si seh man Teofilus payo (3-4). Kai si ilakoken Lukas ibas suratna enda idukung arah bukti bukti penemuan arkeologi modern, emaka ikataken kalak  Lukas enda sekalak sejarawan.
4. Pelajaren si datken kita arah kai si lakoken Lukas enda eme; ope denga peseh berita baik secara lisan bage pe tulisan, siksiki lebe alu mbages kerna kebenarenna. Tujun / motivasi ibas erberita e eme guna membangun kegeluhen  kalak si deban.
5. Patut si syukuri ija kita nggeluh ibas zaman modern enda. Zaman kemajun Teknologi si luar biasa. Khususna Teknologi Informasi. Tujun Teknologi Informasi untuk memecahkan suatu masalah, membuka kreativitas, meningkatkan efektivitas dan efisiensi dalam melakukan pekerjaan. Dengan adanya TI membuat pekerjaan manusia menjadi lebih mudah dan efisien. Tentu kemudahen enda ibas kerina dampar kegeluhen manusia seh ku tengah tengah gereja. Emaka ibas tahun enda si jadi tema tahun pelayanen gerejanta ‘ Meningkatkan Kemampuan Warga GBKP dalam Pengelolaan Informasi dan Keterampilan Dalam Penggunaan Teknologi Informasi”. Dua kata si penting sipergermetkan eme mampu mengelola informasi dan terampil menggunakan TI.
6. Turiken alu tangkas . Kalak si pang nuriken kebenaren alu tangkas,biasana teruji kebenarenna,labo terjeng ituriken saja,sebab genduari pe lit nge kalak pang nuriken turi-turin silabo ietehna kebenarenna. La menutup kemungkinen guna nutupi kekurangen ras kesalahenna,ituriken me si labo terang ras terbukti kebenarenna.
7. Adi enggo benar ula ka mbiar ndalanken kebenaren. Kebenaren kata Dibata teruji ras terukur kongkrit,  lit barang buktina eme Pustaka Sibadia sienggo isuratken. Banci ierjemahken ,sukah iakap ngangkaisa, adi la iangka entah kurang lengkap pengangkanta kerna kejadin e banci idarami ibas literatur simendukung kebenaren e.
8. Meneladani Lukas nehken kebenaren Injil alu make media tulisen, kita si nggeluh gundari enda banci make Teknologi guna erberita mis arah media social. Mari siluangken waktu 5-10 menit setiap wari  guna mpembarken berita si meriah arah medsos tentu nampati kalak sideban . ula lupa harus terampil gelah erguna.

Memastikan kebenaran setiap informasi sebelum membagikannya akan menjadikan kita seorang pembawa berita yang terpercaya.

Pdt. Ebenneser Pandia

DIBATA SI NJADIKEN MANUSIA
Ibuat TUHAN Dibata sitik abu taneh ijadikenNa jelma; iembuskenNa kesah kegeluhen ku bas igungna, e maka mulai me jelma ndai nggeluh. (Kejadin 2:7)

Pengantar
Bahan renungen PJJ minggu enda eme ngerana soal uga Dibata nepa kita manusia. Bahan enda kita iajuk terbagesen kerna Dibata e seh maka arah kita nandai ise sinepa kita, kita pe nandai dirinta. Seh maka ibas kita ndalani kegeluhenta, kita nggeluh alu payo. Kita nggeluh uga kin kita itepa Dibata janah guna kai kin kita itepaNa. Adi ngerana kita soal ilmiah, maka labo siakap mungkin manusia jadi bage-bage saja. Kita labo ngerana soal pembahasen si ilmiah tapi ngerana soal pokok kiniteken. Emaka bagi pengakun pemazmur ka nge pengakunnta kerna Dibata siiturikenna ibas Mazmur 139:6 139:6 Terlalu ajaib bagiku pengetahuan itu, terlalu tinggi, tidak sanggup aku mencapainya. Labo perlu si perdebatken apakah e kejadian situhu-tuhu ntah lang, sebab Dibata banci ngelakoken kai pe sebab Ia Dibata si luar biasa.
Isi
Kerna penciptaan enda lit sitik perbedaanna ibas Kejadin 1 ras Kejadin 2. Ibas Kejadin I Dibata nepa manusia alu kata, emaka ibas Kejadin 1: 26 ikataken Nina Dibata, “Genduari Sijadikenlah…” ntah pe ibas bahasa Indonesia Berfirmanlah Allah: “Baiklah Kita menjadikan manusia. Dibata nepa manusia, subuk adam ras hawa alu penciptaan. Kata sinipake ibas penciptaan eme kap bara eme kata kerja sinipake Dibata guna menciptakan subjek.
Sedangken ibas kejadin 2 eme kap alu perbahanen. Kejadin 2:7 ikataken Ibuat TUHAN Dibata sitik abu taneh ijadikenNa jelma ntah pe ibas Bahasa Indonesia TUHAN Allah membentuk manusia itu dari debu tanah. Kata sinipake ibas membentuk eme yatsar kata enda eme kata istilah teknis man sekalak penjunan/ pembuat tembikar ntah pe pande kudin. Dibata e desken sekalak penjunan ntah pe si erbahan tanah liat si erdahin guna njadiken bahan si lit ibas tanna jadi bentuk si atena ngena. Deseken sekalak penjunan si mbentuk karyana alu bertahap, penjunan si erdahin alu ketepatan dingen kecermatan. kami taneh dah, janah desken sekalak pande kudin, itepandu kami.(Yes 64:8) janah ibas pembentukan e pe irancangNa alu cermat. Tupung tulan-tulanku ijadiken, alu megermet isusun i bas bertin nandeku, asum reh belinna aku i je alu la ise pe metehsa, i je pe idahNdu nge aku.(Maz 139:15)
Bahan sinipake Dibata guna mbentuk manusia eme debu ntah pe abu taneh. Simenarik ibas Kejadin 2 enda, maka rubia-rubia pe kepeken itepa alu cara si tempa bali. Ibuat TUHAN Dibata sitik abu taneh ijadikenNa jelma ntah pe ibas Bahas Indonesia katakenna, Lalu TUHAN Allah membentuk dari tanah segala binatang hutan dan segala burung di udara. Adi Dibata masu-masu dingen nuruh rubia-rubia gelah reh tambahna ntah pe berkembang biak (Kej 1:22) bage ka pe manusia si ipasu-pasu dingen isuruh Dibata guna reh tambahna ntah pe berkembang biak (Kej 1:28). Si mbedakenca eme tupung iembusken Dibata kesah kegeluhen ku bas igungna. Kulana banci seri ras rubia eme ibas taneh nari, tapi manusia kesahna eme kap kesah Dibata si langsung iberekenNa. Dibata mereken/menyalurkan kegeluhenNa man gumpalan taneh ntah pe benda mate si ibentukna. Nafas ilahi bengket ku bas benda mate ndai seh erbahanca ia jadi nggeluh.
Man manusia ibereken Dibata kekuatan rohani, ibereken kemampuan berpikir dan merasakan, berkomunikasi ras mbedaken diri ras kalak sindeban. Emaka manusia itepa Dibata sentudu ras tempas Dibata.
Pengkenaina

1. Manusia jadi erkiteken itepa Dibata, emaka manusia arus patuh man sinepasa. Kegeluhennta la banci bagi peratennta tapi arus Dibata. Kai kin tujun Dibata nepa kita manusia, janah uga kin arusna kita ndalani kegeluhennta e pe ia si nentukenca.
2. Manusia itepa ibas debu, dibentuk dari sesuatu yang fana. Manusia e tinepa Dibata si ermasap-masap. Kita itepa labo ibas serbuk emas nari, labo ibas pirak, lebo ibas barang-barang simeherga tapi ibas debu taneh nari. Lit kiniteruken ukur ibas kita, ibas taneh asalta ndube itepa Dibata ku je ka nge kari akhirna ibas kematennta eme jadi debu taneh. Labo perlu kal kita bangga ibas hal-hal secara firik ntah pe duniawi.
3. Manusia sentudu ras tempas Dibata selaku Dibata si mereken kegeluhen.biak Dibata eme kap mereken kegeluhen man manusia, kita pe arusna jadi pemberi kehidupan man kalak sindeban. Uga janah kai sibanci sibahan gelah kalak sindeban pe reh semangatna ndalani kegeluhenna, e lah silakoken ibas kegeluhennta.

Pdt. Frebin Thearona br Tekang S.Si Theol