GBKP Batang Serangan Medan

DIBATA SI NJADIKEN MANUSIA
Ibuat TUHAN Dibata sitik abu taneh ijadikenNa jelma; iembuskenNa kesah kegeluhen ku bas igungna, e maka mulai me jelma ndai nggeluh. (Kejadin 2:7)

Pengantar
Bahan renungen PJJ minggu enda eme ngerana soal uga Dibata nepa kita manusia. Bahan enda kita iajuk terbagesen kerna Dibata e seh maka arah kita nandai ise sinepa kita, kita pe nandai dirinta. Seh maka ibas kita ndalani kegeluhenta, kita nggeluh alu payo. Kita nggeluh uga kin kita itepa Dibata janah guna kai kin kita itepaNa. Adi ngerana kita soal ilmiah, maka labo siakap mungkin manusia jadi bage-bage saja. Kita labo ngerana soal pembahasen si ilmiah tapi ngerana soal pokok kiniteken. Emaka bagi pengakun pemazmur ka nge pengakunnta kerna Dibata siiturikenna ibas Mazmur 139:6 139:6 Terlalu ajaib bagiku pengetahuan itu, terlalu tinggi, tidak sanggup aku mencapainya. Labo perlu si perdebatken apakah e kejadian situhu-tuhu ntah lang, sebab Dibata banci ngelakoken kai pe sebab Ia Dibata si luar biasa.
Isi
Kerna penciptaan enda lit sitik perbedaanna ibas Kejadin 1 ras Kejadin 2. Ibas Kejadin I Dibata nepa manusia alu kata, emaka ibas Kejadin 1: 26 ikataken Nina Dibata, “Genduari Sijadikenlah…” ntah pe ibas bahasa Indonesia Berfirmanlah Allah: “Baiklah Kita menjadikan manusia. Dibata nepa manusia, subuk adam ras hawa alu penciptaan. Kata sinipake ibas penciptaan eme kap bara eme kata kerja sinipake Dibata guna menciptakan subjek.
Sedangken ibas kejadin 2 eme kap alu perbahanen. Kejadin 2:7 ikataken Ibuat TUHAN Dibata sitik abu taneh ijadikenNa jelma ntah pe ibas Bahasa Indonesia TUHAN Allah membentuk manusia itu dari debu tanah. Kata sinipake ibas membentuk eme yatsar kata enda eme kata istilah teknis man sekalak penjunan/ pembuat tembikar ntah pe pande kudin. Dibata e desken sekalak penjunan ntah pe si erbahan tanah liat si erdahin guna njadiken bahan si lit ibas tanna jadi bentuk si atena ngena. Deseken sekalak penjunan si mbentuk karyana alu bertahap, penjunan si erdahin alu ketepatan dingen kecermatan. kami taneh dah, janah desken sekalak pande kudin, itepandu kami.(Yes 64:8) janah ibas pembentukan e pe irancangNa alu cermat. Tupung tulan-tulanku ijadiken, alu megermet isusun i bas bertin nandeku, asum reh belinna aku i je alu la ise pe metehsa, i je pe idahNdu nge aku.(Maz 139:15)
Bahan sinipake Dibata guna mbentuk manusia eme debu ntah pe abu taneh. Simenarik ibas Kejadin 2 enda, maka rubia-rubia pe kepeken itepa alu cara si tempa bali. Ibuat TUHAN Dibata sitik abu taneh ijadikenNa jelma ntah pe ibas Bahas Indonesia katakenna, Lalu TUHAN Allah membentuk dari tanah segala binatang hutan dan segala burung di udara. Adi Dibata masu-masu dingen nuruh rubia-rubia gelah reh tambahna ntah pe berkembang biak (Kej 1:22) bage ka pe manusia si ipasu-pasu dingen isuruh Dibata guna reh tambahna ntah pe berkembang biak (Kej 1:28). Si mbedakenca eme tupung iembusken Dibata kesah kegeluhen ku bas igungna. Kulana banci seri ras rubia eme ibas taneh nari, tapi manusia kesahna eme kap kesah Dibata si langsung iberekenNa. Dibata mereken/menyalurkan kegeluhenNa man gumpalan taneh ntah pe benda mate si ibentukna. Nafas ilahi bengket ku bas benda mate ndai seh erbahanca ia jadi nggeluh.
Man manusia ibereken Dibata kekuatan rohani, ibereken kemampuan berpikir dan merasakan, berkomunikasi ras mbedaken diri ras kalak sindeban. Emaka manusia itepa Dibata sentudu ras tempas Dibata.
Pengkenaina

1. Manusia jadi erkiteken itepa Dibata, emaka manusia arus patuh man sinepasa. Kegeluhennta la banci bagi peratennta tapi arus Dibata. Kai kin tujun Dibata nepa kita manusia, janah uga kin arusna kita ndalani kegeluhennta e pe ia si nentukenca.
2. Manusia itepa ibas debu, dibentuk dari sesuatu yang fana. Manusia e tinepa Dibata si ermasap-masap. Kita itepa labo ibas serbuk emas nari, labo ibas pirak, lebo ibas barang-barang simeherga tapi ibas debu taneh nari. Lit kiniteruken ukur ibas kita, ibas taneh asalta ndube itepa Dibata ku je ka nge kari akhirna ibas kematennta eme jadi debu taneh. Labo perlu kal kita bangga ibas hal-hal secara firik ntah pe duniawi.
3. Manusia sentudu ras tempas Dibata selaku Dibata si mereken kegeluhen.biak Dibata eme kap mereken kegeluhen man manusia, kita pe arusna jadi pemberi kehidupan man kalak sindeban. Uga janah kai sibanci sibahan gelah kalak sindeban pe reh semangatna ndalani kegeluhenna, e lah silakoken ibas kegeluhennta.

Pdt. Frebin Thearona br Tekang S.Si Theol

SERMON PJJ TANGGAL 02 – 08 Pebruari 2020
KLASIS MEDAN KAMPUNG LALANG
DIBATA SI TELU SADA ( Johanes 14 : 23 – 26)
( Konfesi GBKP : Allah)

1. Yesus memahami situasi ras kondisi sibakal ihadapi ajar ajarNa kenca Ia lawes ku Rumah Bapa guna nikapken ingan man bana. Kenca telu tahun Ia ras ras suari ras berngi ndalani erbage bage situasi kegeluhen. Emaka labo mamang ateta adi ajar ajar lit ibas keadaan gelisah tupung sie kenca megi maka Yesus arus nadingken ia kerina. Guna mpegegehi ajar ajar nina Yesus; labo kutadingken kam melumang (18). Sebab ajar ajar arus nerusken dahin si enggo ilakoken Yesus, bahkan dahin si terbelinen pe enggo nimai. Erkiteken si e me maka Yesus mindo man BapaNa gelah nuruh Penampat si deban eme Kesah si naksiken kerna kebenaren Dibata (Kesah Sibadia) (16). Kesah e me sinemani kalak si engkelengi Ia. Kalak si engkelengi Ia eme kalak si ngikutken pedah pedahNa (15-16). Kesah e nampati ajar ajar.
   Lit dua hal cara pendahin Kesah si Badia e nandangi kalak si engkelengi Yesus:
   a. Ngajari kerna kai pe. ( = orang yang tidak tahu lalu diajar sehingga menjadi tahu)
   Kesah e ngajari kalak si erkiniteken ibas geluhna segelah reh mbagesna pengertinna kerna kebenaren Dibata. Emaka kita labanci ngadi guna tetap erlajar kerna Dibata e.
   b. Mpersingeti kerna kai si kataken Yesus. (= orang sudah tahu tapi lupa / supaya tidak lupa)
   Labo kerina kata kata ras pengajaren Yesus iinget ras iantusi kita. Emaka guna mpeteguhi kinitekenta bage pe segelah ula kita celus ras ndabuh kubas perbahanen si la ngena ate Tuhan, ije me Kesah si Badia e erdahin mpersingeti kita.
2. Kata kata Yesus kerna : kata si ibegikendu labo katangKu tapi rehna ibas Bapa si nuruh Aku e nari, Kesah si Badia si isuruh Bapa pagi ibs gelarKu’ enda nuduhken kerna kiniersadanNa. Ija Bapa, Anak ras Kesah eme sada. Enda me si nikataken gereja” Dibata si telu sada.”
3. Guna ngantusi kerna Dibata si Telu sada enda labo hal si mesunah, apai ka njelaskenca man kalak sideban baik Kristen terlebih lebih si labo Kristen. Ibas bimbingen PJJ ta Pdt Berthalyna Br Tarigan MTh, enggo nuriken kerna sejarah pemahamen kerna Trinitas enda. Si idah maka langa bo sada kal pemahamen kerna sienda. Janah labo hal Trinitas enda saja si jadi perdebaten kerna ajaren Kristen. Emaka guna kiniulin perdalinen gereja ras keutuhen jemaat, gereja erbahan konfesi. Konfesi adalah pengakuan iman sebuah gereja. Pengakuan iman ini lahir dari pergumulan yang dihadapi oleh sebuah gereja dalam konteks hidupnya ( kata sambutan Konfesi GBKP). GBKP ikut muat bagin kerna si enda. Tujunna segelah jemaat GBKP reh ngasupna ngalaken erbage bage bentuk ajaren, aliren si lit isekelewetna.
4. Ibas buku konfesi GBKP kerna Dibata si Telu Sada ( Allah Tritunggal) ngataken;
   Kami percaya bahwa;
   Allah tritunggal : Allah Bapa, Allah Anak dan Allah Roh Kudus ( I Yoh 5:7; Yoh 10:30; II Kor 13:14; Mat. 3 :16-17).
   Allah Bapa adalah Allah yang menciptakan langit dan bumi dan segala isinya yang memelihara sampai akhir zaman ( Kej. 1:1-31)

Allah Anak adalah Yesus Kristus: Anak Allah yang tunggal ( Yoh 1:14) yang menyatakan pekerjaan dan kehendak Allah di dalam dunia(Yoh,4:34). Dialah penebus dosa kita ( Mat.1:21) melalui kelahiran, kematian, kebangkitan, kenaikanNya ke Sorga serta kedatanganNya kembali.
Allah Roh Kudus adalah pribadi Allah; Roh Allah dan Roh Kristus ( Rom 8:15-17). Dialah penolong dan penghibur yang dikaruniakan untuk mengajar, mengingatkan orang percaya akan kehendak Allah dan ajaran Yesus Kristus, dan menanamkan serta memelihara iman sampai kedatangan Yesus Kristus kembali ( Yoh 14:26 ; II Kor 3:17).

1. Adi si perdiateken ay 15-31 pasal 14 enda maka lit ije 4 kali Yesus ngerana kerna engkelengi Ia, eme alu ngikutken kataNa. Adi lit kata siberulang ulang ibelasken e nuduhken kerna hal si sangat penting, ngikutken pedah Yesus e, eme penting ibas kegeluhenta. Sebab kata eme tendang nina pemasmur. Kata eme si ngajari, mandang si lepak, pekena si salah nina Paulus man Timotius. Tuhan Yesus meteh maka kita manusia lit ibas kelemahen ras kekurangen. Erkiteken sie maka nina” Kupindoken me man BapangKu gelah isuruhNa Penampat si deban man bandu eme Kesah si naksiken kebenaren kerna Dibata, gelah itemanina kam ras lalap”.
2. Perbahan bage kel pentingna kerna ngikutken pedah Yesus enda, maka sitingkatken caranta menggumuli kata Dibata baik secara kwantitas ras kwalitas, segelah kata Dibata e jadi keriahenta ngukuri suari ras berngi(Masmur 1:2). Salah sada metode sigeluti GBKP genduari eme BGA.

Pdt Ebenneser Pandia
Pantai Barat

SERMON PJJ TANGGAL 26 JANUARI -1 FEBRUARI 2020

THEMA : DIBATA SI PERLEBE RAS PENDUNGI

Ketangkasen 1 : 4 – 8

(KONFESI GBKP : Allah)

I.KATA PERLEBE

Anthony Collins sekalak Filsuf Deisme i Inggris nari sipengaruhi John Locke ibas sada wari ia jumpa ras sekalak kristen si berkat atena ku gereja.Emaka cakap-cakap ia nungkun ia man kalak kristen e “Dibata si sembah ndu e Mbelin ntah Kitik?” Kalak kristen ndai jawabap “Dua-duana”.Dibata e Mbelinen asangken langit si mbelang janah Dibata e Kitik maka ia banci ringan ibas pusuh ku megi jawabpen enda sengget kel Anthony Collins seh maka itulis na maka jawabpen kalak kristen ndai lebih erpengaruh dari pada kerina buku Filsafat si pernah i ogena.Penungkunenna “ Uga belinna Dibata e man banndu ?” Jawabpenna e nentuken kinitekenta ras siempengaruhi kerina kegeluhenta kerna penandaita kerna Dibata,Ise Dibata e ?Uga Ia belinna Ia bas geluhta ? .Adi siukuri uga buena kearun ate bas geluhta,maka salah sada penyebabna eme ibas kita la tek Dibata ngasup engkawali kita.Melala kalak kristen ndalani geluhna tepa-tepa Dibata e lalit.Lit nge Dibata e ? Lit nge pengaruh Dibata e bas geluhta ? Apai nge siakap lebih susah La Erdibata ntah La Ersen ?

Enterem jelma gelisah kel adi lang jemak HP sada wari tapi Biasa-biasa akapna adi la baca alkitab selama seminggu ntah la kugereja hari Minggu ntah la ertoto.

II.PEMBAHASEN

Surat Ketangkasen si isuratken Johanes i pulau Patmos eme kerna pengenehenen kerna kerajaan Dibata sini sehken man Perpulungen sipitu i Asia kitik eme karna nubuaten kegeluhen kalak kristen alu make simbol-simbol.Perban padan sindekah pe make simbol-simbol gelah perpulungen ngidah ise si imani na si tekina karna Dibata e.Bahwa Dibata e nggo lit mulai awal sehkubas pendungina.Kitab ketangkasen rusur igelari alu istilah penyingkapan karna kerajaan Dibata (Bandingken Ketangkasen1:1) atau masa depan orang kristen.

Penyingkapen si idah Johanes i Pulau Patmos 80km Barat Daya i Efesus ras alamat penerima ketangkasen eme 7 perpulungen i Propinsi Asia (Ketangkasan 1:4,11) eme ibas waktu kaisar Domitianus selaku Kaisar i Romawi abad 81-91 Masehi.Pergumulen perpulungen pada masa e eme kalak kristen harus nembah Kaisar si kultusken bahwa ia me mengaku diri sebagai Dibata ras empedarat perintah harus Ia i sembah .Janah aturan enda bertentangen ras kiniteken perpulungen ras ise sila ngit nembah Kaisar akan mengalami penderitaan ntah pe kiniseran (Ketangkasen 1:9) .

Emaka tujuan penulisen Kitab Ketangkasen eme mereken ketetapen ukur man perpulungen ras kesetiaan kiniteken man Yesus sebab Ia me Dibata si setia ras Raja sirasa lalap .

III.TAFSIRAN

Kitab Ketangkasen ertina eme Apokalupsis si ertina membuka,menyingkapken kerna rencana Dibata si terbuni (Roma 16:25) Ketangkasen berarti reh ibas Dibata nari alu perantara Yesus Kristus.(Ketangkasen 1:4-8) eme sebagai surat edaren si i kirimken man perpulungen si 7 sigelari jemaat Asia kitik alu permulaan kata Shalom situjunna eme Kristus lebih meganjang asangken dewa-dewa bagepe Yesus e ,Ia reh sebagai Raja ras ia me Raja sirasa lalap bagepe Yesus i gambarken reh pagi peduakaliken sebagai Raja (Daniel 7:17,Markus 14:62) singataken bahwa Yesus adalah sipemena ras Siperpudina sirusur i gelari Alfa ras Omega.Menurut abjad Yunani Dibata eme sipencipta ras sigenapi .

IV.APLIKASI

A.Penandaita ras pemahamenta kerna Dibata menentuken kualitas kinitekenta bagepe kesaksinta ibas tep-tep wari

B.Dibata si sembah kita eme Dibata si ngerajai ras nentuken Doni enda ras Ia me Raja si rasa lalap

C.Kerajaan doni enda erpaksa-paksa tapi kerajaan Dibata tetap rasa lalap

Kesimpulen :

Dibata sajalah sisembah sebab kerajanna la pernah berakhir bagi nina janjina (Matius 28:20) Aku tetap nemani kam seh ku kedungen zaman.

Pdt. Ripin Sitepu, S.Th